Настройкі
Настройкі шрыфту
Arial
Times New Roman
Памер шрыфту
A
A
A
Iнтэрвал памiж лiтарамі
Стандартны
Павялічаны
Вялікі
Каляровая схема
Чорным
па белым
Белым
па чорным
Шклоўскі раённы выканаўчы камітэт
Галоўная / Навiны / Рэгiёна
22 жніўня 2018

У Беларусі пашыраюцца межы СЭЗ і магчымасці развіцця іх інфраструктуры

23 жніўня, Мінск /Кар. БЕЛТА/. У Беларусі пашыраюцца межы свабодных эканамічных зон і магчымасці развіцця іх інфраструктуры. Адпаведны ўказ нумар 346 падпісаў кіраўнік дзяржавы Аляксандр Лукашэнка. Аб гэтым БЕЛТА паведамілі ў прэс-службе беларускага лідара.

Указам прадугледжваецца пашырэнне тэрыторыі свабодных эканамічных зон "Магілёў", "Мінск" і "Гроднаінвест" шляхам уключэння перспектыўных зямельных участкаў. Аптымізацыя тэрыторыі СЭЗ "Гроднаінвест" будзе праведзена шляхам выключэння аднаго ўчастка ў сувязі са змяненнем яго мэтавага прызначэння і выключэння ўчасткаў, не запатрабаваных інвестарамі.

Для стварэння інфраструктуры ў СЭЗ цяпер могуць выкарыстоўвацца дадатковыя крыніцы фінансавання, не забароненыя заканадаўствам, што дасць магчымасць выкарыстоўваць на гэтыя мэты крэдытныя сродкі. Указам замацоўваецца магчымасць вызначаць у якасці заказчыкаў па праектаванні і будаўніцтве аб'ектаў інфраструктуры ў межах СЭЗ іншыя арганізацыі, акрамя адміністрацый СЭЗ. Гэтыя меры ствараюць умовы для магчымасці крэдытавання будаўніцтва інфраструктуры ў СЭЗ у перспектыве.

Акрамя таго, спрашчаецца парадак камандзіравання кіраўнікоў адміністрацый СЭЗ для вырашэння актуальных пытанняў.-0-

Навіны Беларусі

Да спіса навін