Настройкі
Настройкі шрыфту
Arial
Times New Roman
Памер шрыфту
A
A
A
Iнтэрвал памiж лiтарамі
Стандартны
Павялічаны
Вялікі
Каляровая схема
Чорным
па белым
Белым
па чорным
Шклоўскі раённы выканаўчы камітэт
Галоўная / Навiны / Рэгiёна
18 снежня 2017

Мясцовыя выбары-2018 праходзяць актыўней, чым папярэднія - Ярмошына

19 снежня, Магілёў /Сяргей Кулягін - БЕЛТА/. Цяперашняя выбарчая кампанія праходзіць больш актыўна, чым мясцовыя выбары чатыры гады таму. Такое меркаванне выказала журналістам старшыня Цэнтрвыбаркама Беларусі Лідзія Ярмошына перад пачаткам семінара-вучобы з кіраўнікамі і арганізатарамі кампаніі па выбарах дэпутатаў мясцовых Саветаў, які праходзіць у Магілёве, перадае карэспандэнт БЕЛТА.

Паводле слоў Лідзіі Ярмошынай, ініцыятыўных груп зарэгістравана па рэгіёнах прыблізна ў два разы больш, чым у папярэднюю кампанію. Сярод вылучэнцаў з'явілася шмат новых асоб. Павялічылася ў выбаркамах і колькасць прадстаўнікоў аб'яднанняў і палітычных партый, адзначаецца іх вялікая актыўнасць пры вылучэнні і зборы подпісаў. "Гэта ўсё будзе садзейнічаць таму, што павялічыцца яўка выбаршчыкаў, і, цалкам магчыма, выбарчая кампанія будзе праходзіць больш ажыўлена і цікава, чым звычайна", - адзначыла яна.

Некалькі грамадскіх аб'яднанняў ("Белая Русь", прафсаюзы, БРСМ) на ранняй стадыі вылучэння актыўна праводзяць агітацыю. "У Мінску даволі шмат пікетаў са сцягамі, партрэтамі кандыдатаў, гэта значыць тое, што раней назіралася толькі на парламенцкіх выбарах", - заўважыла старшыня Цэнтрвыбаркама.

"Што датычыцца новаўвядзенняў, то ў гэту выбарчую кампанію будуць выкарыстоўвацца тыя дэмакратычныя напрацоўкі, якія прымяняліся раней пры прэзідэнцкіх і парламенцкіх выбарах, - сказала Лідзія Ярмошына. - Перш за ўсё, яны закранулі ўтварэнне выбарчых камісій. Значна больш дэмакратычныя рашэнні прыняты мясцовымі выканаўчымі органамі ўлады наконт адвядзення месц для збору подпісаў. Таксама ў нас ідзе актыўнае інфармаванне насельніцтва праз інтэрнэт, а на папярэдніх мясцовых выбарах сацсеткі выкарыстоўваліся яшчэ толькі на першасным узроўні".

Мясцовыя выбары назначаны на 18 лютага 2018 года.-0-

Навіны Беларусі

Да спіса навін