Рус
Eng
Бел

Прыёмная райвыканкама

Адрас райвыканкама:
213010, г. Шклоў, вул. Ленiнская, 76
Тэлефон/факс прыёмнай:
8 (02239) 7-81-15
E-mail: rik@shklov.gov.by

Рэгiёна

26 лютага 2020

Прэм'еру спектакля "Бог ездзіць на веласіпедзе" рыхтуе Магілёўскі драмтэатр

Прэм'еру спектакля "Бог ездзіць на веласіпедзе" рыхтуе Магілёўскі драмтэатр 27-28 лютага, паведамілі БЕЛТА ў прэс-службе Магілёўскага абласнога драматычнага тэатра.

Спектакль - гэта гісторыя пакарэння сусвету ў адной дзеі. Быць правільным падлеткам, вясёлым, спартыўным і жыццярадасным, а потым вырасці і зразумець, што за ўсё жыццё так і не сустрэў чалавека, з якім можна было б пагаварыць шчыра. Ці змогуць галоўныя героі зразумець сябе і людзей, якія сустракаюцца на іх шляху. Спектакль "Бог ездзіць на веласіпедзе" дапаможа разабрацца з тым, як знайсці сваё месца ў вялізным свеце. І адкажа на пытанне, ці можна адшукаць сярод сямі з палавінай мільярдаў людзей таго, хто зможа цябе зразумець.

Як адзначылі ў прэс-службе тэатра, п'еса напісана маладымі расійскімі драматургамі Ірынай Васькоўскай і Дар'яй Уткінай, рэжысёр - Ірына Дабравольская, выпускніца БДАМ, актрыса драматычнага тэатра і кіно. З 2016 года працуе ў тэатры "Тэрыторыя мюзікла". У мінулым годзе яна паставіла спектакль "Пакой памірае" ў Мінску, супрацоўнічае з культурным хабам "ОК16". Тут жа Ірына Дабравольская ў 2019 годзе паказала эскіз будучай вакальна-пластычнай пастаноўкі "Sviciaź", прэм'ера якой запланавана на лета 2020 года.-0-

НАВIНЫ БЕЛАРУСI

Iнтэрнэт - рэсурсы